တနှစ်ကူးပြီတဲ့။ ဘာလိုလို ညာလိုလိုနဲ့ အသက်တစ်နှစ်ကြီးပြန်ပါရောလား။ နယူးရီးယားတွေ ဘာတွေ ပျော်တတ်တဲ့သူလည်း မဟုတ်တော့ ဒီလိုပါပဲ။ အိမ်ကလူကတော့ သူ့သူငယ်ချင်းတွေနဲ့ ကမ်းခြေသွားအိပ်ကြမလား မေးသေးတယ်။ အိပ်ချင်ပါဘူးကွယ်။ ကျောအအေးပတ်မှာ ကြောက်ပါတယ်။ မအိပ်ခင် ခြေဆေးချင်တဲ့ စိတ္တဇနဲ့ တညလုံး ဒုက္ခများနေပါ့မယ်။
Countdown Party တဲ့
အောချက်မှာ သိပ်လှတာပဲ တဲ့ ဓာတ်ပုံသွားရိုက်ကြမလား တိုးချင်ပါဘူးကွယ် လူတွေကြားထဲ။ တမြန်နှစ်က သွားမိလို့ ဒုက္ခများတာများ မမေ့နိုင်သေးပါဘူး။ အသက်လေး ၀၀ ရှူရဖို့အရေး အရပ်ကပုတော့ လူအုပ်ထဲ ခြေဖျားလည်း ထောက်ရသေး ဘယ်တော့များ ဒီလူရေစီးကြောင်း ထဲကထွက်ရပါ့မယ့်အရေး မျှော်လိုက်ရတဲ့ အမျှော်။
နယူးရီးယားကို ဘာလုပ်မှာလဲတဲ့ သူငယ်ချင်းတွေက မေးတော့ မနှစ်ကတော့ တို့လင်မယား တရားနာ တရားမှတ်ရင်း နောက်နှစ်ထဲကို ကူးတယ် ပြောတော့ နင်လို မိန်းမနဲ့ အရောကိုမ၀င် အဖက်ကိုမလုပ် အပေါင်းအသင်းကို မဖြစ်ချင်ဘူးတဲ့။ နင့်ကိုယ်နင် အသက်၉၂များ မှတ်နေလားတဲ့။ သူပြောတော့မှ ကိုယ့်ယောက်ျားကိုယ်လည်း မေးကြည့်ရသေးတယ်။ ခုလိုမျိူး ကပ်တီးကပ်ဖဲ့ အူကြောင်ကြောင်နဲ့ နေရတာ စိတ်များညစ်သလားလို့ပါ။ သူကတော့ ရပါတယ်လို့ ပြောရှာပါတယ်။
အိမ်ကလူက အိမ်ထောင်မကျခင်က အိမ်မှာညအိပ်ရုံလောက် အိမ်ပြန်တဲ့သူ။ ကိုယ်က ရုံးကို လမ်းလျှောက်သွားလို့ ရနေတော့ ပိတ်ရက်များအပြင်မသွားဖြစ်လွန်းလို့ ကားကဒ်ပါ ပျောက်နေတတ်တဲ့သူ။ သူ့သူငယ်ချင်းတွေက စကားနာထိုး မိန်းမရလို့ သူတို့နဲ့ အရင်လို ပနစူလာမှာ မဆုံဖြစ်တော့သလားပေါ့။ ကိုယ့်ဘက်ကကျတော့လည်း သူနဲ့ယူမှ သူ့လူမှူရေး ကိုယ့်လူမှူရေး သူ့အပေါင်းအသင်း ကိုယ့်အပေါင်းအသင်း သွားလိုက်ရတာ နှမ်းနှမ်းတောက်ပဲ ထင်မိတာ။ တစ်ယောက်ကနေ နှစ်ယောက်ဖြစ်လာတော့ ကိုယ့်စိတ်ကြိုက်ချည်း နေလို့မဖြစ်တာလည်း သဘောပေါက်ပါရဲ့။ ကိုယ့်ဘက်ကနေ အများကြီး လိုက်လျောညီတွေ ပြင်ယူလိုက်ရတာတွေလည်း ရှိကြောင်း ဆင်ခြေတက်ချင်ပေမယ့် သူ့ဘက်ကလည်း ဘာများ ရှိဦးမလဲ မသိ။ တော်ကြာ အဘွားကြီးနဲ့ ယူထားရသလား ထင်ရင်တော့ ဒွတ်ခပါပဲကွယ်။
ပြန်ရေးနေတာကို မသိလိုက်ဘူး။
ReplyDeleteပြင်ယူနေရတာများလို့.. လူတောင် အသစ်ဖြစ်နေသလိုပဲညီမ။ ဟားဟား
မမွန်